Marthakapelle

von Marianne Beierle

D's Burg do dob, kloi ond fei ond schmuck do stood a Gotteshaisie - a KapeIl hoach doba ibr osra Kessl of am morts drom großa Felsa.

Dr' Heiliga Martha isch des Kirchle gweiht Ende Juli ebbl gleich isch ihr Feschttag en dr scheana Sommerzeit.

Dia KapeIl guckt na of d Kessl wia sich dia schlengelt ra von Magerboi ond nah bis of Gölle.

Sigt nom ens Feld en Rosberg ond weitr übern Voglacker nah bis en Egerseea. Sigt niebr en Riedlestall ond nauf bis en Schweda ond sigt na ibrn Briel bis nom of Magerboi.

Ond hot osre Kessl viel Wasser a mol, dia Wiesa send zuadeckt, a See isch iatzt do do lacht osre KapeIl vom Felsa ra des viele Wassr i hab koi Angst des dut mr nix, des ka mr net a.

Ond 0 von oba ra, vom Schweda do loft noch jedam Wolgabruch des Wassr na ibr dia Felsa ohne Halt.

Noi, koi Angst a Hoachwassr des ka os net droha.

Nei gsetzt isch dia KapeIl en a karges Land Es git sovl Stoi en jedm Ackr omanant glei naus muß ma em Frijohr, ts zammklauba isch Noat. Dia Wiesa - oi Buckl nochm andra mit dr Hand muaß ma recha ds Gras onds He.

Dia Leit dia arbaddad ond schaffad - ond deand ihr Werk ond fendat ihr Brot.

Am Sonde do kehrat se ei en ihrer KapeIl sia lobad den Herrgott ond dankad ihm ond fendat a Ruha a wenig fr da Leib ond 0 fr d Seel dr zua.

Dia KapeIl ma muas es saga dia hot no a wichdiga Funktio fr dia Kendr em Dörfle. Fangad a dia Glocka obns ds leida zom Gebeed no wissad dia Kenndr alle Zeit isch, des Spiel muß enda. Gschwend muß ganga: "Du muascht hoi" Des isch niergens gschrieba des Gesetz aber oimol net befolgt

o weh brauscht neme furt a ganze Wuch. Des merkt ma se, denn des duat weh!.